رساله من سماح أنور ل شيرين عبد الوهاب

‎ كتبت / إنتصار أحمد

كتبت الفنانه سماح أنور على صفحتها الشخصية فيس بوك رساله لشيرين عبد الوهاب قالت فيها
يا شيرين
عايزة اعرفك علي انسانة بتعشق انك اتولدتي
اكتر واحدة فرحت بيكي و عندها كمية كلام و احلام و الهام مش حاتصدقيها
و حاتعوزي مليون عمر علي عمرك علشان تكفيها
عايزاكي مش بس تقابليها
لا نفسي كمان انك تعينيها
الانسانة الوحيدة اللي طول عمرها في ضهرك
هي اللي بتسندك في البكا و في الفرح
في النصرة و في الانكسار
في الصحة و في المرض
في النجاح و حتي الفشل
ماتنسيهاش و ما تهينيهاش
ثقي فيها
حني عليها
اسمعي بكاها و خديها في حضنك و حافظي قوي …
قوي عليها…
دي اللي خلت شيرين تخش قلوب الدنيا زي سهم العشق اللي لو اتنزع مننا يوجعنا
دي الوحيدة اللي عمرها ماسابتك و لا خذلتك
اسمها شيرين عبد الوهاب برضه
خللي بالك عليها
و اسمعي كده في وسط كل الالم و الزعيق و الدوشة صوتها الهادي الواطي البسيط بيقولك كلمة واحدة
صداها في قلوبنا
اسمعي كده…قالت ايه؟
“حاتقومي”‏
سماح انور