دكتورة إيمان أبو الدهب منتجة مسلسل دوبامين تدعم الشباب فى أعمالها و توجه الشكر للشركة المتحدة للخدمات الإعلامية
كتب دكتور محمد محسن
أبدت المنتجة إيمان ابوالدهب سعادتها بالردود الفعل الإيجابية من الجمهور على مسلسل “دوبامين” و قالت انها اتشرفت بكل العناصر اللى اشتغلت معانا خصوصا الشباب..
وأكدت “شرفنا فى التعاون مع الشركة المتحدة ساعدنا كتير و استفدنا بخبراتهم و قدمنا عمل جيد على شاشاتهم”
و أضافت “الحماس عندى اقدم فكرة جديدة و بشكل عصرى للشباب و خضنا التجربة بناء على ان كل حاجة فى حياتنا اصبحت مرتبطة بالسوشيال ميديا حتى المشاعر الانسانية”
و أكدت أن الشركة كلها عناصرها شباب و دى القاعدة اللى أشتغلنا عليها حتى القضايا اللى بنقدمها مناسبة للشباب..
وتابعت ان الجديد و المختلف فى دوبامين انه لامس المشاعر بشكل عصرى متطور و قدمناه بالرتم السريع..
و قالت “لمست فى المؤلف محمد جلال انه مثقف وواعى و عنده جملة حوار جيدة و احساس عالى
و المخرج رؤوف عبد العزيز انه لديه رؤية فنية مميزة و حس درامى عالى و تشرفنا بالعمل معهم”
وأضافت “اكتر صعوبات واجهتنى الوقت حضرناه اكثر من سنة و تصوير اكثر من ٦ شهور و لكن الحمدلله تجاوزنا الصعوبات و قدمناه بشكل مشرف و لائق”
واختتمت بان المنصات الجديدة اضافت للانتاج الدرامى لانها فتحت مساحة لتقديم محتوى فنى متخصص و اتاحت الفرصة للشباب و الوجوه الجديدة.
