عفاف مصطفى تكشف لسيد على علاقة الود والاحترام بالزعيم لأول مرة
وكانت الفنانه عفاف مصطفى قد نشرت بوست على الفيس بوك موجهه اللوم للمخرج رامى إمام تقول فيه
زعلانه من رامي إمام بعتاله الرساله الأخيره دي ع الوتساب ضمن العديد قبل كده
الرساله ال 5ليك في خلال سنه يا أستاذ رامي أتمني يقرأها أستاذي عادل نفسي و رجائي أشوف الأستاذ عادل وجه لوجه لأني عارفه إني الوحيده اللي بتضحكه لما بقعد جنبه زي ما قال لى قبل كده ‘‘ وكنت دايما أكلمه تليفونيا ويضحك ويبقي سعيد لمجرد يسمع صوتي ، دلوقت حضرتك يا أستاذ رامي الوحيد اللي تقدر تحسم طلبي المتكرر ، سؤال أستاذ رامي هوه أنا خطر علي بابا ولا حاجه ؟ أنا لو عملت كوبي لكل رسائلي اللي بطلب منك فيها أزوره ونزلتها في صفحتي حضرتك هتحقق لي طلبي لما تلاقي الناس متضامنه مع رجائي ‘‘ الرجاء المتكرر ‘ ممكن تسمحلي وانت من بيت كريم بزيارته وتبلغه قبلها ولو عندكم تحفظات أو ظروفه لا تسمح أنا مش هزعل ‘ بس للعلم دائما أسمع بزملاء بيقولوا زورنا عادل امام في البيت ‘‘ لعلمك عندي العنوان من زمان واستطيع اعمل هجوم مشروع عليه لكن أنا أكبر من كده ولا أضمن رد فعلكم في في زياره بدون موعد مسبق ومنعا للحرج ‘‘ الناس بتزوره إشمعني انا يعني ؟ بأمانه عايزه أشوفه واكلمه واطمئن عليه وجه لوجه وأشوف السعاده في وشه زي ما طول عمره تفرغ لإسعاد الناس ‘‘
ومن خلال مداخلة هاتفية لها، مع الإعلامي سيد على قالت عفاف مصطفى عن علاقتها بالزعيم ، فقالت :”أنا اتعودت اتواصل مع عادل إمام تلفونيا، أو أروح اللوكيشن أسلم عليه وأباركله لو أنا بصور معاه او لو مش بصور معاه”.
كما تابعت حديثها :”هو شخصية جميلة ولطيفة جدا وفوق الصورة اللي الناس بتتكلم عنها”، مشيرة إلى أنها أحبت أن تتواصل مع الزعيم عادل إمام ولكن أسرته لا ترد وصرحت أيضا عادل إمام ليس عنده زهايمر كما قيل وهو زى الفل والدليل مداخلته مع شريف عامر وهو بيخرج وبيلتقى بأصدقائه وبياكل فسيخ
وهناك زملاء أعرفهم بالإسم يزورونه فى بيته اشمعنى أنا
